Atyraý qalasyndaǵy QR ІІM ýchılışesiniń oqytýshylaryna arnalǵan eki kúndik trenıng ótkizildi
ATYRAÝ. Shildeniń 8-i. QazAqparat - Atyraý qalasyndaǵy Qazaqstan Respýblıkasy ІІM ýchılışesiniń oqytýshylaryna arnalǵan eki kúndik trenıng ótkizildi. Sharanyń bastamashysy Qazaqstannyń adam quqyqtary boıynsha halyqaralyq bıýronyń Aqtaýdaǵy fılıaly dırektory Aleksandr Mýha óz sózinde «Qazaqstan Respýblıkasy ishki ister organdaryndarynyń vedomstvolyq oqý oryndarynda adam quqyqtary boıynsha kýrs engizý» jobasy EQYU qoldaýymen engizilgenin jáne qazirgi ýaqytta belsendi túrde atqarylyp jatqanyn aıtty, dep habarlaıdy ІІD baspasóz qyzmetinen Gúlnázıra Muhtarova.
- Atyraý oblysynda eki myńnan astam polıtsııa qyzmetkerleri jumys isteıdi. Olardyń bilimderin kóterý jáne qaıta daıarlaý máselelerine ІІM men ІІD basshylary kóp kóńil bóledi. Búgingi tańda polıtseılerdi tek qana arnaıy pánderge, ıaǵnı jaýyngerlik daıyndyq negizderine oqytyp qana qoımaı, adam quqyqtary jóninde jetkilikti dárejede bilim berý qajet, - dedi Aleksandr Vıktorovıch Mýha. Ýchılışe qabyrǵasynda ótken trenıng mańyzdy ári erekshe ótti. Qatysýshylar bastapqyda trenıngtiń jumys erejelerin anyqtap, óz usynystaryn engizdi, týyndaǵan máselelerdi birlesip sheshýge tyrysty, trenıng oqytýshylarynyń bergen tapsyrmalaryn ońaı oryndap shyqty.
Trenıng aıaqtalysymen oǵan qatysqandardyń barlyǵy da sertıfıkatqa ıe boldy. Endi Atyraý qalasy ІІM ýchılışesinde adam quqyqtary jóninde jańa pánnen arnaıy kýrstar engiziletin bolady.
