Atyraý qalasynda jylý tarıfi tómendedi

ATYRAÝ. QazAqparat – Atyraý qalasynyń turǵyndary úshin jylý tarıfi tómendedi,dep habarlaıdy QazAqparat.

Tabıǵı monopolııalardy retteý komıteti Atyraý oblysy boıynsha departamentiniń

málimetine súıensek, «Tabıǵı monopolııalar týraly» zańynyń 22-babynyń 1-tarmaǵynyń

1) jáne 5) tarmaqshalaryna sáıkes (Strategııalyq taýarlar qunynyń jáne (nemese)

memlekettik retteýge jatatyn strategııalyq taýarlardy tasymaldaýǵa tarıfterdiń

(baǵalardyń) ózgerýine jáne kórsetiletin qyzmetter kóleminiń ulǵaıýyna baılanysty)

«Atyraý jylý-elektr ortalyǵy» AQ-nyń jylý energııasyn óndirý jáne jabdyqtaý

qyzmetterine arnalǵan tarıfteri qaıta qaralyp otyr.

«Sonyń nátıjesinde departamenttiń buıryǵymen joǵaryda kórsetilgen qyzmetterge

turǵyndar úshin tarıfter mynadaı mólsherde tómendetildi. Osylaısha, JÚA bar

turǵyndar úshin 4 548,74 teńge/Gkal qosymsha qun salyǵynsyz (qoldanystaǵy tarıf

4608,61-den 4548,74 teńge/Gkal-ǵa nemese 0,60%-ǵa tómendetýmen), JÚA joq turǵyndar

úshin 5 703,62 teńge/Gkal qosymsha qun salyǵynsyz (qoldanystaǵy tarıf 5799,45-ten

5703,62 teńge/Gkal-ǵa nemese 1%-ǵa tómendetýmen).

Sondaı-aq, eski, avarııalyq úı- jaılarda, barak úlgisindegi úılerde turatyn turǵyndar úshin 4 741,02 teńge/Gkal (qoldanystaǵy tarıf 4832,88-den 4741,02 teńge/Gkal-ǵa 1%-ǵa tómendetýmen)», -dep habarlady departamenttiń baspasóz qyzmeti.

Tómendetilgen tarıfter 2022 jylǵy 11 aqpannan bastap qoldanysqa engizildi.

Eske sala ketelik, budan buryn Atyraý oblysynda gaz baǵasy 38,9 paıyzǵa arzandaǵanyn

jazǵan bolatynbyz.