Atyraý qalasynda jol belgileri jańartylyp jatyr
Bólingen qarajatqa qazirdiń ózinde 5000-nan astam jol belgileri jańartyldy, bul - josparlanǵan jumystardyń jartysynan astamy. Sonymen qatar, bıyl qala ortalyǵyndaǵy mektepterdiń aldyna jaıaý júrginshilerge arnalǵan jol belgileri ornatylyp, arnaıy jolaqtar syzylady. Jumys tek jol qaýipsizdigin qamtamasyz etý úshin ǵana emes, sonymen qatar ata-analardyń balasy jaıly azyraq alańdaýy úshin de jasalady. Buǵan deıin Atyraýdaǵy 40-tan astam mekteptiń aldynda jaıaý júrginshiler ótkelderi salynǵan », - dedi qalalyq turǵyn úı-kommýnaldyq sharýashylyq jáne avtomobıl joldary bóliminiń ókili Nurlybek Bitimbasov.
Jumys qala mańyndaǵy aýyldyq okrýgterdegi mektepter janynda jalǵasyn tabady. Eske sala keteıik, Atyraý polıtsııasy jańa oqý jylyna oraı qalanyń barlyq mektepterindegi belgilerdi jańartqan bolatyn.
«Buǵan deıin de jol ınfraqurylymy elementterin jańartý boıynsha aýqymdy jumys júrgizilgen bolatyn. Biraq jańbyr men qardyń áserinen birte-birte jol elementteriniń barlyǵy jaramsyz bolyp qalady, ne bolmasa olardy kórý qıynǵa soǵady. Sondyqtan jańa oqý jylynada dástúrge oraı oqý oryndarynyń mańynda zebralar men jol syzyqtaryn, belgilerdi retke keltirý jumystary júrgiziledi. Mektepterdiń janyndaǵy ótkelder ǵana emes, sonymen qatar balalar mektepke barǵan kezde jıi júrip ótetin joldarǵa da syzylady. Bul joldardyń barlyǵy arnaıy qadaǵalanady. Bıylǵy jumys tamyz aıynda bastaldy. Oqý jyly bastalǵanǵa deıin polıtsııanyń nusqaýyna sáıkes saladaǵy mamandandyrylǵan qurylys kompanııalarynyń biri mektepterdegi jaıaý júrginshiler ótkelinde júzge jýyq jol belgilerin ornatqan. Jasandy kedir-budyrlar da jańartyldy», - dep málimdedi qala ákimdiginiń baspasóz qyzmeti.
