Atyraý qalasynda jańa mádenıet úıi ashyldy

ATYRAÝ. QazAqparat - QR Konstıtýtsııasy kúnine oraı Atyraýdyń Tomarly aýylynda 400 oryndyq jańa mádenıet úıi paıdalanýǵa berildi, dep habarlaıdy QazAqparat tilshisi óńirlik kommýnıkatsııalar qyzmetine silteme jasap. 

Saltanatty rásimge Atyraý qalasy ákiminiń orynbasary Polymbet Hasanov qatysyp, osyndaı nysandar aýyl turǵyndary rýhanı ómiriniń ortalyǵyna aınalatynyn atap ótti.

«Rýhanı jańǵyrý» memlekettik baǵdarlamasyn iske asyrý aıasynda Atyraýda kóptegen jumystar atqarylýda. Qalada jańa mýzykalyq mektep pen 6 balabaqsha, 3 mektep salý úshin jobalyq-smetalyq qujattama jasaý josparlanyp otyr. Olardyń qurylysy kelesi jyly qarjy bólingennen keıin bastalady. Jaqyn arada «Juldyz» shaǵynaýdanynda 624 oryndyq jalpy bilim beretin mektep qoldanysqa beriledi», - dedi P.Hasanov. 

Aıta ketelik, jańa ekiqabatty mádenıet úıinde kitaphana, oqý zaly, májilis zaly jáne horeografııalyq bólmeler, keń kontsert zaly bar. Mádenı jáne buqaralyq is-sharalardy ótkizý úshin barlyq qajetti jaǵdaılar jasalǵan.

Atyraýda 2017-2020 jyldarǵa arnalǵan qalany damytý josparynyń aıasynda 5 mádenıet úıiniń qurylysy josparlanǵan. Ótken jyly Jumyskerde 200 oryndyq mádenıet úıi paıdalanýǵa berilse, osy jyly Tomarly aýylynda mádenı ortalyqtyń qurylysy aıaqtaldy. Jyl sońyna deıin Aqsaı men Atyraý aýyldyq okrýgterinde taǵy eki mádenıet úıi esigin ashady. Qazirgi ýaqytta Erkinqala aýyldyq okrýginde 200 oryndyq mádenıet úıiniń qurylysy bastaldy.