Atyraý qalasynda tuńǵysh ret eki iri doda jalaýyn jelbiretedi
ASTANA. QazAqparat - Atyraý qalasynda tuńǵysh ret 19-24 sáýir aralyǵynda taekvondodan jastar arasyndaǵy 9-shy Azııa chempıonaty men eresekter arasynda G-1 Halyqaralyq týrnıri ótedi.
Bul týraly oblystyq sport basqarmasy habarlady. Azııa chempıonatyna álemniń 25 elinen eń tańdaýly sportshylar qatysady dep kútilýde.
Qazirge deıin óz elimizden tys Aýǵanstan, Qytaı, Taıpeı, Úndistan, Indonezııa, Iran, Irak, Iordanııa, Qyrǵyzstan, Lıvan, Makao, Malaızııa, Mońǵolııa, Pákistan, Fılıppın, Katar, Ońtústik Koreıa, Saýd arabııasy, Tájikstan, Taıland, OAE, Ózbektstan jáne Vetnam memleketteriniń sportshylary Atyraýǵa keletinderin resmı túrde málimdegen.
Al «Kazakhstan open» G-1 Halyqaralyq týrnırine 19 memleket óz ótinimderin bildirgen.
