Atyraý qalasynda qos karate klýby paıdalanýǵa berildi
ATYRAÝ. QazAqparat - Ulttyq Respýblıkalyq Kıokýshınkaı-kan karate Federatsııasy Atyraý oblysynyń fılıalynyń bastamasymen «Namys» sport zaly men jańa «Spartanets» sport zaly saltanatty túrde ashyldy, dep habarlaıdy QazAqparat tilshisi.
Atyraý oblystyq sport basqarmasynyń baspasóz hatshysy Іlııas Shaıhıevtiń aıtýynsha, jańa sport zaldardyń jalpy aýmaǵy 250 jáne 210 sharshy metrge jýyq. Sporttyq zaldardyń ishinde shyǵys jekpe-jek zaly men fızıkalyq daıyndyq zaldary bar. Qazirgi tańda mektepte kıokýshınkaı karateden sport túrleri óziniń jumysyn bastaǵaly jatyr.
Keshenniń ashylý saltanatynda Atyraý oblysy ákiminiń birinshi orynbasary Serik Shápkenov jáne Qazaqstan Respýblıkasy Parlamenti májilisiniń depýtaty, Ulttyq Respýblıkalyq Kıokýshınkaı-kan karate federatsııasynyń Prezıdenti Omarhan Nurtaıuly Oksıkbaev qatysty.
Aıta ketelik, búginde elimiz boıynsha 7000-nan astam karate sportymen shuǵyldanýshylar bolsa, sonyń 1200-i - Atyraý oblysynyń sportshylary.
