Atyraý qalasynda karantın shekteýi kúsheıtiledi
Bul týraly Atyraý qalasynyń bas memlekettik sanıtar dárigeri Qanat Ǵaınedenovtiń jańa qaýlysynda aıtylǵan.
«Saýda úıleri men SOO (pavılondar, býtıkter), saýda jelileri – «Ashyq» jobasyna qatysatyn obektilerge jumys kúnderi saǵat 10.00-den 20.00-ge deıin, «Ashyq» jobasynyń kóshbasshylary saǵat 22.00-ge deıin (toltyrylýy 1 kelýshige 4 sharshy metrden kem emes eseppen obektiniń syıymdylyǵynyń 30%-ynan aspaıdy) jumys isteýge ruqsat etiledi. Olarda ornalasqan azyq-túlik sýpermarketterin, dárihanalardy jáne COVID-19-ǵa qarsy jappaı vaktsınatsııalaýǵa arnalǵan pýnktterdi qospaǵanda, senbi jáne jeksenbi kúnderi jumys isteýge tyıym salynady» -delingen qaýlyda.
«Ashyq» jobasyna qatysatyn azyq-túlik satatyn jabyq bazarlardyń jáne azyq-túliktik emes jabyq jáne azyq-túliktik emes ashyq bazarlar, azyq-túlik satatyn ashyq bazarlar jumys kúnderi jáne senbi kúni saǵat 09.00-den 19.00-ge deıin jumys istteıdi.
Sondaı-aq, «Ashyq» jobasyna qatysatyn qoǵamdyq tamaqtaný obektilerine, fýdkorttarǵa, sonyń ishinde jazǵy alańqaılarǵa, ashanalarǵa tek jumys kúnderi saǵat 10.00-den 20.00-ge deıin, «Ashyq» jobasynyń kóshbasshylaryna 22.00-ge deıin (ujymdyq is-sharalar ótkizbeı, 30-dan aspaıtyn otyratyn oryn ornatyp, ústelder arasyndaǵy qashyqtyq keminde 2 metr saqtalýyn, bir ústelde 4 adamnan artyq otyrǵyzbaýdy qamtamasyz etip) jumys isteýge ruqsat etilip otyr.
Bul nysandarǵa senbi jáne jeksenbi kúnderi jumys isteýge tyıym salynǵan.
Jańa qaýly 2 tamyzdan bastap kúshine enedi.
Eske sala ketelik, budan buryn Atyraýda saýda jáne oıyn-saýyq ortalyqtary senbi, jeksenbide jumys istemeıtinin habarlaǵan edik.