Atyraý qalasynda «Jastar Life» jastar forýmy ótti

ATYRAÝ. QazAqparat – Atyraý qalasynda jastardyń «Jastar Life» forýmy ótti. Qala kúnine arnalǵan aýqymdy sharaǵa 1000-ǵa jýyq adam qatysty, dep habarlaıdy QazAqparat Atyraý qalasy ákimdiginiń baspasóz qyzmetine silteme jasap.

Kóp jastardyń nazaryn aýdarǵan «Jastar Life» forýmyna respýblıkaǵa tanymal spıkerler qatysty. Olar forým uıymdastyrylǵan bes túrli baǵyt boıynsha sóz sóıledi. Atap aıtqanda, «Ýrbanıstıka» baǵyty boıynsha Qalalyq zertteýler ortalyǵynyń jetekshisi Ashat Sadýov sóz sóıledi, «Eriktiler» baǵytynda «Eriktiler lıgasy» qoǵamdyq qorynyń tóraıymy Aısulý Ernııazova jastardy eriktiler qozǵalysyna atsalysýǵa shaqyrdy. Akter ári ánshi Artýr Tólepov «Óner» baǵyty boıynsha sóılese, jattyqtyrýshy Dáýlet Muqaev «Qarjylyq saýattylyq» baǵytynda ózi jınaqtaǵan tájirıbesin bólisti. «Kásipkerlik» baǵyty boıynsha forým qatysýshylaryna jeke kásipker Arman Álmenbettiń sheberlik sabaǵy usynyldy.

Forýmnyń barlyq bes baǵyty boıynsha jalpy 500-ge jýyq adam qatysty. Jastar aıtylǵan taqyryptarǵa úlken qyzyǵýshylyq tanytty. Olarǵa ásirese respýblıkaǵa tanymal spıkerler aıtqan aqparattar qyzyqty boldy. Budan bólek, Atyraý jastary ózderiniń ár baǵyttaǵy ıdeıalary jaıly, qaıda jumys isteıtinderin aıtyp, qoǵamdyq uıymdar men memleketten kómek alǵysy keletini týraly aıtty. Eki kúnge sozylǵan forým aıaqtalǵannan keıin, shara spıkerlerine Atyraý qalasynyń ákimi Álımuhammed Quttymuratulynyń atynan alǵys hattar tabys etildi. Óz kezeginde belsendilik tanytqan qatysýshylar da spıkerlerdiń syılyq sertıfıkattarymen marapattaldy.

Jastar forýmynyń sońynda belgili estrada ánshisi Ernar Aıdardyń kontserti boldy.