Atyraý qalasynda bolashaǵy joq Qoshqar aýylynyń turǵyndary qonys toılaryn toılady
ATYRAÝ. Shildeniń 6-sy. QazAqparat /Andreı Sokolov/ - Atyraý qalasynda Qoshqar bolashaǵy joq aýylynyń 19 otbasysy jańa páterlerdiń kiltterine ıe boldy.
Qoshqar aýyly, sondaı-aq, onymen kórshiles Komsomolsk pen Bekbıke aýyldary Maqat aýdanynda ornalasqan. Olardyń turǵyndary osy attas ken oryndarynda jumys istegen. Biraq ken oryndary sarqylyp, olardy óndirý tıimsiz bolmaı qaldy. Adamdar jumyssyz qala bastady. Aýyldarda mektepter, emhanalar men bala-baqshalar joq. Osydan birneshe jyl buryn atalmysh aýyl turǵyndaryn basqa jerge kóshirý týraly oblystyq baǵdarlama qabyldandy.
Bul baǵdarlama is júzinde tek bıyl ǵana jumys jasaı bastady. Kóktem kezinde Qoshqar aýylynan 20 otbasy Mahambet aýdanyna kóshirildi, endi qosymsha 19 otbasy da pátermen qamtylyp otyr. Oblys ákimi Bergeı Rysqalıev habarlaǵandaı, jaqyn aradaǵy bir-eki jylda osy aýyldardyń turǵyndary oblys nemese aýdan ortalyqtarynan páterlerge ıe bolady. Barlyq qonys aýdarýshylarǵa jumys tabýǵa kómek kórsetiledi.
