Atyraý qalasynda Abaıdyń eńseli eskertkishi qoıyldy

ATYRAÝ. QazAqparat – Atyraý qalasynda Abaıdyń eńseli eskertkishi qoıyldy, dep habarlaıdy QazAqparat.

Atyraý oblysynda qazaqtyń uly aqyny Abaı Qunanbaıulynyń esimi berilgen 5 mektep pen 28 kóshe bar. Al, byltyr oıshyldyń esimi Atyraý qalasynda boı kótergen oqýshylar men jastar saraıyna berilgen edi. Soǵan baılanysty nysannyń ataýy Abaı ortalyǵy bolyp ózgertilgen.

Qazir bul ortalyqta 30 baǵytty qamtıtyn 100-ge jýyq úıirme bar. Úıirmelerde 800-ge jýyq oqýshy óner, shyǵarmashylyq, tehnologııa, kórkem-estetıka, sport, áskerı-patrıottyq, ekologııa-bıologııa baǵytynda qosymsha bilim alady.

Al, búgin atalǵan ortalyq aldyna Abaıdyń eńseli eskertkishi qoıyldy. Eskertkish qoladan quıylǵan. Onyń avtory – músinshi Asqar Nartov.

Eske sala ketelik, budan buryn Atyraýda akademık Salyq Zımanovtyń eskertkishi ashylǵanyn jazǵan bolatynbyz.