Atyraý qalasynda 672 páterlik 17 turǵyn úı salynady
Atyraý qalasynyń ákimi Qaıra Orazbaevtyń málimetine súıensek, bıyl oblys ortalyǵyndaǵy «Bereke» shaǵyn aýdanynda 240 páterlik bir turǵyn úı boı kóteredi. Al «Samal» yqshamaýdanynda 432 páterlik iri paneldi 16 turǵyn úıdiń qurylysyn júrgizý josparlanǵan.
«Sonymen qatar, Talǵaırań eldi mekeninde kópqabatty 46 úıdiń qurylysyn salý úshin jobalyq-smetalyq qujattama jasaqtaldy. Munda salynyp jatqan 1080 páterlik kóp qabatty 24 turǵyn úıge ınjenerlik-kommýnıkatsııalyq ınfraqurylymnyń qurylysy júrip jatyr» -deıdi Qaırat Orazbaev.
Ákimniń aıtýyna qaraǵanda, byltyr «Nurly jer» turǵyn úı kommýnaldyq sharýashylyǵyn damytýdyń 2020-2025 jyldarǵa arnalǵan memlekettik baǵdarlamasy aıasynda «Termojańǵyrtý» baǵytymen kópqabatty 4 turǵyn úı kúrdeli jóndeýden ótken. Al bıyl osyndaı 15 turǵyn úıdi kúrdeli jóndeýden ótkizý kózdelgen.
Eske sala ketelik, budan Atyraýdyń Inder aýdanynda kópqabatty 20 turǵyn úı salynatynyn habarlaǵan edik.
