Atyraý qalasynda 5 shildeden bastap avtobýs júrmeıdi
Bul týraly Atyraý oblysynyń bas memlekettik sanıtar dárigeri Amantaı Jumaǵalıevtyń arnaıy qaýlysynda aıtylǵan.
Qaýlyǵa sáıkes, oblys aýmaǵynda qatań shekteý sharalary 5 shilde saǵat 00:00-den 19 shilde saǵat 00:00-ge deıin jalǵasady. Qalalar men aýyldar arasynda avtobýs qatynasy toqtaıdy. Sondaı-aq, qoǵamdyq kólik qatynasyna, eldimekenderde turǵyndar men avtokólikter qozǵalysyna keshki saǵat 23:00 men tańǵy saǵat 06:00 aralyǵynda tyıym salynyp otyr.
«Dýmandy, aýqymdy sporttyq sharalar, kórmeler, forým, konferentsııa, sondaı - aq, otbasylyq eske alý (banket, toı, mereıtoı, sadaqa) jáne ózge de sharalar ótkizilýine, saǵat 10:00-18:00 aralyǵynda shekteý ýaqytymen qyzmet etip jatqan azyq-túlik sýpermarketteri men dárihanalardy qospaǵanda, oıyn-saýyq ortalyqtary, saýda úıleri, saýda jelileri, oıyn-saýyq ortalyqtarynyń (karaoke, bılıard, kompıýterlik klýb, túngi klýbtar, boýlıng ortalyqtar, attraktsıondar, balalar oıyn alańdary, batýttar jáne basqalar), kınoteatrlar, barlyq mádenı oshaqtar (teatrlar, kontserttik zaldar, mýzeı, kórmeler jáne t.b.), dinı oryndar (meshit, shirkeý, ǵıbadathana, sınagoga jáne t.b.), balalar saýyqtyrý lagerleriniń, mektepke deıingi uıymdardyń, balalardyń korrektsııalyq kabınetteriniń, bilim ortalyqtarynyń, balalardy damytý ortalyqtarynyń, úıirmeler, balalarǵa jáne eresekterge arnalǵan kýrstar, fýdkort, banket zaldarynyń, SPA ortalyqtar, jattyǵý zaldary, fıtnes ortalyqtar, sporttyq – saýyqtyrý ortalyqtary, basseın, qoǵamdyq monsha, saýna, sulýlyq salondary, shashtaraz, kosmetıkalyq jáne kosmetologııalyq, manıkıýr, pedıkıýr qyzmetin kórsetetin ortalyqtar men salondar, qalalyq jáne qoǵamdyq jaǵajaılar, akvaparkter qyzmetine tyıym salynsyn» delingen arnaıy qujatta.
Eske sala ketelik, Atyraýda demeýshilerdiń qoldaýymen dári-dármek jetkiziletinin habarlap edik.
