Atyraý qalasynda 17 tamyzdan bastap qoǵamdyq kólikter qaıta júredi

ATYRAÝ. QazAqparat – Atyraý qalasynda 17 tamyzdan bastap qalaishilik 13 áleýmettik mańyzy bar marshrýt jolaýshylar tasymalyn qaıta jańǵyrtady, dep habarlaıdy QazAqparat qala ákimdiginiń baspasóz qyzmetine silteme jasap.

Jelide qozǵalys jıiligi - 10-15 mınýttan barlyǵy 85 avtobýs júredi. Avtobýstar saǵat 07:00-den 21:00-ge deıin qatynaıtyn bolady.
«Dúısenbiden bastap tek qalaishilik baǵdarlar júredi. Olardyń jumysyna birqatar jaǵdaıda ǵana ruqsat etiledi. Naqtyraq aıtqanda, jolaýshylar sany tek salondaǵy oryndyqtar sanyna sáıkes bolýy tıis, betperde, sanıtarlyq jáne dezınfektsııa rejımi saqtalýy kerek. Jol júrý aqysy kartamen tólenedi. Kondýktorlar jolaýshy sany men otyrý erejesin baqylaýy tıis. Salon jolaýshylarǵa tolǵan jaǵdaıda, avtobýs aıaldamalarǵa tek jolaýshylardy túsirý úshin ǵana toqtaıdy, artyq adam almaıdy.
Eger, sanıtarlyq rejım tolyqtaı saqtalsa 24 tamyzdan bastap qala mańynda qatynaıtyn avtobýstar da júre bastaıdy», delingen habarlamada.
Qala turǵyndary áleýmettik qashyqtyqty saqtap, maska taǵýlary jáne antıseptıkalyq quraldardy mindetti túrde qoldanýy tıis.
Aıta keteıik, karantın engizilgenge deıin jolaýshylar tasymalymen 8 avtobýs parki aınalysty. Jalpy qalalyq parkte bekitilgen 26 marshrýt boıynsha 160 avtobýs bar.