Atyraý qalasynda «100 aýla» jobasyn iske asyrý bastaldy
Atyraý qalalyq ákimdigi baspasóz qyzmetiniń málimetinshe, páter ıeleri kooperatıvteri men turǵyndardyń usynysyna sáıkes 100 aýlany abattandyrý kózdelgen. Qazir munaıly shahardaǵy 70 aýlany abattandyrý boıynsha merdiger mekeme anyqtalyp, jumys bastaldy.
«Jasaqtalǵan jobaǵa sáıkes turǵyn úıler aýlalarynda birneshe jumys atqarylady. Onyń ishinde avtokólik jáne jaıaý júrginshiler joldaryn qalpyna keltirý, keńeıtý, avtoturaqtar ornyn salý, ásemdik qorshaýlar men túngi jaryq shamdar, balalar oınaýǵa arnalǵan,.sporttyq-jattyǵý, kishi aıaq dop alańdaryn ornatý, aǵashtardy egý men ártúrli pishinde kórkemdeý, qoqys alańshalary men jáshikterin ornatý eskildi jumystary atqarylady. Bıyl turǵyndardyń suranysyna oraı 6 joba boıynsha konkýrs jarııalandy. Konkýrstyń qorytyndysymen «Atyraý Kólik» jáne «Rıgolıt» JShS merdiger retinde tanyldy. Atalǵan seriktestikter abattandyrý jumysyna kiristi», -dep habarlady ákimdiktiń baspasóz qyzmeti.
Qazir A.Qunanbaev kóshesindegi 30, 30A mekenjaıyndaǵy, Avangard-3, Avangard-4 shaǵyn aýdandaryndaǵy turǵyn úı aýlalarynda abattandyrý jumystary júrgizilip jatyr. Al, Balyqshy, Vokzal mańy, Nursaıa, Munaıshy, Avangard, Leshoz, Vodnıkov, Turǵyn úı qalashyǵy shaǵyn aýdandary men Azattyq, Q.Sátpaev, B.Qulmanov, Ó.Atambaev jáne basqa kóshelerdegi aýlalarda oıyn alańdary ornatylady.
«Bıyl qolǵa alynǵan «100 aýla» jobasy kelesi jyly da jalǵasyn tabady. Qazir taǵy «100 aýla» jobasy jasaqtalady. Qazir kelesi jyly jalǵasatyn jobamen abattandyrylatyn aýlalar tizimi jasaqtalýda. Osyǵan baılanysty usynysty qalalyq turǵyn úı ınspektsııasy bólimine 87017902921 nómiri jáne Atyraý qalasy ákimdiginiń feısbýk (Atyraý qalasy ákimdigi) jáne ınstagram(atyrau_qalasy_akimdigi) áleýmettik jelisindegi paraqshasy arqyly bildirýge bolady», -dep málim etti ákimdiktiń baspasóz qyzmetinen.
Eske sala ketelik, buǵan deıin sapaly josparlaý standartymen Atyraý qalasyn damytý tujyrymdamasy qalaı iske asatynyn habarlaǵan bolatynbyz.
