Atyraý qalasynan kúnine 300 tonnaǵa jýyq qoqys shyǵarylady
Óńir ákimdiginiń Telegram-kanalynda oblys ortalyǵyn sanıtarlyq tazalaýmen aınalysatyn «Spetsavtobaza» JShS ókilderi kúndelikti jumystary jóninde baıandady.
Olardyń aıtýynsha, qalany sanıtarlyq tazalaýmen kún saıyn 325 jumysshy aınalysady. Sonymen qatar, qoqys tasıtyn 22 kólik, 16 traktor, 9 samosval jumyldyrylady. Jaz mezgilinde qurylys qaldyqtarynyń kóbeıýine baılanysty kompanııa turǵyndardan arnaıy tehnıkany jalǵa alýǵa májbúr bolǵan.
«Spetsavtobaza» JShS júrgiziletin jóndeý jáne qurylys jumystaryna baılanysty jaz mezgilinde qoqys kóp shyǵarady. Kún saıyn polıgonǵa 300 tonnaǵa jýyq qoqys jetkiziledi. Bul – qala aýmaǵyndaǵy qoqystardyń kólemi. Olardyń arasynda zańdy túrde joıylmaǵan, biraq polıgondarda saqtalatyn qurylys qaldyqtary, aramshópter, konteınerlerge, arnaıy oryndarǵa jáne dúkender mańaılarynda ornalasqan shaǵyn konteınerlerge laqtyrylatyn qoqystar bar«, - deıdi kommýnaldyq qyzmetkerler.
Kóktemgi maýsymmen salystyrǵanda jol qyzmetkerleriniń sany 100 adamǵa kóbeıgen. Jumys kúni 8.00-den bastalyp, 20.00-de aıaqtalady. Túngi ýaqytta qosymsha qyzmetkerler shyǵady.
»Qalany «Spetsavtobaza» ǵana emes, qala turǵyndary da taza ustaýy kerek. Olar qurylys qaldyqtary men iri qoqystardy qalanyń ártúrli bólikterine, konteınerlerdiń syrtyna tastaı salyp, zań normalaryna qaıshy áreketter jasaýda. Negizinde turǵyndar arnaıy tehnıkany ózderi shaqyryp, qoqys tastaý úshin jáne qala syrtyna shyǵarý úshin aqy tóleýge mindetti. Halyqtyń 30% atalǵan qoqys jınaý qyzmetine aqy tólemeıdi. Olar tólegen jaǵdaıda kásiporynnyń avtoparkine úlken kómek bolatyn edi«, - deıdi kommýnaldyq mekemeniń basshylary.
