Atyraý qalasyna kirip-shyǵý tolyqtaı shekteldi
Atyraý qalasynyń prokýrory Arshat Taıtýlınniń habarlaýynsha, karantın kezinde qoǵamdyq qaýipsizdikti qamtamasyz etýge, sondaı-aq, qala aýmaǵynda belgilengen ýaqytsha shekteýler talabyn saqtaý sharasyna 674 qyzmetker, 68 avtokólik jumyldyrylǵan. Onyń ishinde ishki ister organdarynyń 500 qyzmetkeri, Ulttyq ulannyń 94 áskerı qyzmetshisi, Qorǵanys mınıstrliginiń 80 qyzmetkeri bar.
«Prokýratýra janynan qurylǵan mobıldik toptar qala aýmaǵynda tótenshe jaǵdaı rejımin buzý faktilerin anyqtaıtyn bolady. Osyǵan qaraı, halyqtyń densaýlyǵy men qaýipsizdigin qamtamasyz etý úshin turǵyndardy karantınniń barlyq talabyn saqtaýǵa shaqyramyz» - dedi Atyraý qalasynyń prokýrory Arshat Taıtýllın.
Atyraý qalasynyń 4 baǵytyna qoıylǵan blok-bekette ishki ister organdarynan – 48, Qorǵanys mınıstrliginen 56 qyzmetker kezekshilik atqarýda. Olarǵa 12 arnaıy avtokólik bólingen.