Atyraý qalasyn kógaldandyrý aıasynda turǵyndarǵa úsh myń kóshet taratyldy
ATYRAÝ. QazAqparat - Qala turǵyndarynyń árqaısysy úıeńki, sheten men qaraǵashtyń bes kóshetin tegin aldy, dep habarlaıdy QazAqparat.
Atyraý qalasy ákimdiginiń baspasóz qyzmetiniń habarlaýynsha, búgin tuńǵysh ret kóshetterdiń jergilikti turǵyndarǵa tegin taratylý aktsııasy ótti. «Arnaýlyavtobaza» JShS-niń aýmaǵynda saǵat 10-nan bastap turǵyndar kezekke turdy. Turǵyndarǵa aǵashtyń úsh túri usynyldy - úıeńki, sheten jáne qaraǵash. 
"Aǵashtardy alý úshin turǵyndar ózderiniń telefon nómirin jáne aǵash otyrǵyzylatyn meken-jaıyn qaldyrý kerek. Barlyǵy 5 kóshet alyp, odan ári tıisti kútim men sýarýdy qamtamasyz etýi qajet. Arnaıy qurylǵan komıssııa turǵyndardyń is-áreketteriniń oryndalýyn baqylaıtyn bolady", - dedi qalalyq turǵyn úı-kommýnaldyq sharýashylyq, jolaýshylar kóligi jáne avtomobıl joldary bóliminiń óndiristik-tehnıkalyq sektorynyń jetekshisi Akesen Ibragımov.
Akesen Ibragımovtyń aıtýynsha, kóshetter Inder aýdanynan ákelingen. Jasyl kóshetter áleýmettik mekemelerde - balabaqshalar men mektepterde otyrǵyzylady, úsh myń jas aǵash tegin taratyldy.
Aıta keteıik, Atyraýda eki aılyq sanıtarlyq tazalaý jumystary jalǵasýda. Sáýir senbilikteriniń aıasynda oblys ortalyǵynda jasyl kóshetter otyrǵyzý josparlanǵan.
