Atyraý qalasy óńirde koronavırýs juqtyrýdyń negizgi oshaǵy bolyp otyr

ATYRAÝ. QazAqparat – Búgin Atyraý oblysy qaıtadan «sary» aımaqqa ótti. Qazir óńirde koronavırýs ınfektsııasyn juqtyrǵan 301 naýqas emdelip jatyr, dep habarlaıdy QazAqparat.

Oblystyq densaýlyq saqtaý basqarmasynyń baspasóz qyzmetinen málim etkendeı, ótken táýlikte, 15 qarashada qaýipti vırýs 19 adamnan tabylǵan. Atyraý qalasy koronavırýs ınfektsııasyn juqtyrýdyń negizgi oshaǵy retinde qalyp otyr. Munaıly shaharda Sovid-19

ınfektsııasyn juqtyrýdyń 16 jaǵdaıy rastalǵan. Sondaı-aq, Teńiz ken ornynda 2, Mahambet aýdanynda 1 naýqas tirkelgen.

«Qazir 168 adam úı jaǵdaıynda emdelip jatyr. Óńirdegi ınfektsııalyq statsıonarlarda 133 naýqas oqshaýlanǵan. Onyń ishinde modýldik aýrýhanada – 76, Jylyoı aýdanynda ornalasqan Teńiz ken ornyndaǵy statsıonarda – 33, aýdandardaǵy ınfektsııalyq statsıonarlarda 24 patsıent hattamaǵa sáıkes em-dom qabyldaýda» -dep habarlady

basqarmanyń baspasóz qyzmeti.

Atyraý oblysynda ótken táýlikte koronavırýs ınfektsııasynan 23 adam saýyǵyp shyqqan.

Eske sala ketelik, budan buryn Atyraýda 35 bala men 21 júkti áıel koronavırýspen

aýyryp jatqanyn jazǵan edik.