Atyraý qalasy mańynan jańa mádenıet úıi men agrokeshen paıdalanýǵa beriledi
Qaıyrshaq aýyldyq okrýgine jumys sapary barysynda qala ákimi aýyldyń shaǵyn aýdandary men Tomarly, Talǵaıran, Besikti, Kóktem, Juldyz jáne Juldyz-3 aýyldarynyń áleýmettik-ekonomıkalyq damý barysymen tanysty.
Oblys ortalyǵynan 5 shaqyrym qashyqtyqta ornalasqan aýyldyq okrýgte búgingi tańda 12 myńnan astam adam turady. Qazirgi ýaqytta qalalyq jáne oblystyq qurylys basqarmalary 3 mektep pen 6 balabaqsha salý úshin jobalyq-smetalyq qujattar ázirleýde. Osylaı mektep jáne mektep jasyna deıingi balalar óz aýylynda tikeleı jaqyn mańdaǵy aýyldarǵa barmastan bilim ala alady. Búgingi kúnde Juldyz shaǵyn aýdanynda «TShO» JShS «Іgilik» áleýmettik-ınfraqurylymdyq baǵdarlamasy boıynsha 624 orynǵa arnalǵan orta mekteptiń qurylysy júrip jatyr.
Ákim Shapkat Qalıevtiń aıtýynsha, Qaıyrshaq aýyldyq okrýgindegi joldar máselesi 97% sheshilip, jumysshylarǵa 5,7 shaqyrym avtokólik joldaryn salyp bitirmek. Munda jalpy uzyndyǵy 180 shaqyrym jol salynǵan. Budan bólek, aǵymdaǵy jyldyń sońyna deıin memlekettik-jekeshelik áriptestik sheńberinde jalpy uzyndyǵy 25 shaqyrym bolatyn 29 kóshege jaryqtandyrýdyń jańa júıesin engizý josparlanýda.
Bul aýyldyq okrýgte aýyl sharýashylyǵy qarqyndy damyp keledi. Jergilikti fermerler tamshylatyp sýaryp jáne memlekettik sýbsıdııany paıdalana otyryp, jylyjaılardy ashty. Búgingi kúni bul ádis 330 gektar jerdi ıgerýde. Olardyń ónimderi qala naryqtarynda tómen baǵamen satylady. Jaqyn arada «Kóktem» yqsham aýdanynda ornalasqan «Dastan» agroónerkásip keshenin ashý josparlanyp otyr. Onda 1000 tonna kókónis, kókónis qoımasy, sondaı-aq ónimniń satylý orny bar. Bul nysan kásipker Qonys Ermanovtyń óz qarajatyna salyndy.
«Jańa nysan Qaıyrshaq aýyldyq okrýginiń turǵyndary úshin ǵana emes, tutastaı qala úshin de zor mańyzǵa ıe. Jergilikti fermerler ósirgen ónimderdiń arqasynda, qala naryǵynda jyl boıy jańa jáne sapaly ónimder satylady. Bul ımportty almastyrýǵa oń áser etedi. Taǵy bir jaqsysy jergilikti ónimderdiń baǵasy naryqtaǵy baǵadan tómen», - deıdi shahar basshysy Álımuhammed Quttumuratuly.
Qala ákiminiń aralaǵan kelesi nysany Qaıyrshaq aýyldyq okrýgindegi jalǵyz Tomarly aýylynda ornalasqan 400 oryndyq jańa mádenıet úıi boldy. Nysan paıdalanýǵa 100% daıyn, ony ashý bıylǵy jyldyń tamyzyna josparlanǵan. Jańa nysanda 10 qyzmetker jumys jasaýda. Munda mádenı is-sharalar ótkizý josparlanyp otyr, mektep oqýshylary men jergilikti jastar horeografııa, mýzyka jáne akterlik sheberlik sabaqtarynan úıirmelerge qatysa alatyn bolady.
