Atyraý qalasy qaıtadan karantınge jabyla ma - bas sanıtar jaýaby

ATYRAÝ. QazAqparat - Bul suraqqa oblystyń bas memlekettik sanıtar dárigeri Amantaı Jumaǵalıev jaýap berdi, dep habarlaıdy QazAqparat óńirlik kommýnıkatsııalar qyzmetine silteme jasap.

«Kúni búgin aýrý juqtyrý kórsetkishi qatań shara qabyldaıtyndaı jaǵdaıǵa jetken joq. Degenmen Atyraý oblysy, qala turǵyndary men qonaqtarynan shekteý sharalaryn qatań saqtaýdy suraımyn. Merekelik sharalarǵa qatysýdyń jáne uıymdastyrýdyń qajeti joq. Saqtaný sharalaryn qatań ustaný arqyly ǵana qaýipti indettiń taralýyn toqtata alamyz» dedi bas sanıtarııa dárigeri Amantaı Jumaǵalıev.

Eske sala keteıik, buǵan deıin Teńiz kenishinde bir táýlikte 42 jumysshy indet juqtyrǵanyn, ken ornynda 2 kompanııa karantınge jabylǵanyn jazǵan bolatynbyz.