Atyraý qalasy ákimi kýbogynyń ıegerleri anyqtaldy
ATYRAÝ.QazAqparat - Atyraýda qala kúnine oraı, dzıýdodan qala ákiminiń kýbogyna arnalǵan jasóspirimder arasynda ashyq qalaaralyq týrnır ótti, dep xabarlaıdy QazAqparat tilshisi.
Ashyq týrnırge kórshi Reseı elinen, Mańǵystaý oblysy, BQO, Aqtóbe oblysy jáne Atyraý oblysynan 15 komanda qatysty.
Saıystyń ashylýynda Atyraý qalasynyń ákimi Alımuhammed Quttymurat-uly sóz sóılep, barsha qatysýshylarǵa sáttilik tiledi. Atyraýdaǵy dzıýdo sportynyń damýyna erekshe baǵa berip, jaqynda ǵana joǵary deńgeıde Paradzıýdodan álem kýbogy uıymdastyrylǵanyn atap ótti.
Osyndaı týrnırlerdiń kóptep ótkizilýi búgingi Atyraý oblysynda jasalynyp jatqan jumystyń aıqyn dáleli ekenin jetkizdi.
Ákim kýbogyn jáne 300 myń teńge kólemindegi qarjylaı syıaqyny Aqtóbe oblysynyń quramasy enshiledi. Olar jergilikti №1 ORMBJM sportshylaryn aqtyq saıysta 4:2 esebimen utqan bolatyn. Úshinshi oryndardy № 4 jáne №1 sport mektebiniń balýandary bólisti.
