Atyraý qalasy 6 sektorǵa bólindi

ATYRAÝ. QazAqparat – Atyraý qalasy kúsheıtilgen karantınge baılanysty 6 sektorǵa bólindi, dep habarlaıdy QazAqparat.

Oblystyq polıtsııa departamenti baspasóz qyzmetiniń málimetine súıensek, bul kúsheıtilgen karantın talabyn saqtaý úshin qolǵa alynǵan. Qala kóshelerindegi 6 sektorǵa 34 mobıldi beket ornatylǵan.

«Oǵan 80 qyzmetker tartyldy. Sondaı-aq, 16 avtopatrýlde 40 tártip saqshysy kezekshilik atqaryp júr. Al, jaıaý patrýldeý beketteriniń 68 qyzmetkeri turǵyn úı oramdarynda baqylaý júrgizedi», - dep habarlady departamenttiń baspasóz qyzmeti.