Atyraý qalalyq sotynda sýıtsıd oqıǵasy oryn aldy
ATYRAÝ. Mamyrdyń 31-i. QazAqparat /Andreı Sokolov/ - Búgin №2 Atyraý qalalyq sot zalynda eki aıyptalýshy tamyrlaryn kesip jiberdi. Mundaı qadamdy olar ózderine qarsy uıymdastyrylǵan qylmystyq iske narazylyq retinde jasaǵan.
Aıyptalýshylardyń qorǵaýshysy Uran Dáýletovtyń boljamy boıynsha, qorǵaýshylarynyń biri úıiniń qasynda ornalasqan dúkenniń ıesimen ursysyp qalyp, ony jábirlegen. Keshke dosymen birge olar keshirim suraý úshin dúkenge kelgen, biraq eshqandaı túsiniktemesiz kezekshi polıtsııa patrýlderiniń qolyna túsken.
Aıyp taǵýshylardyń boljamy boıynsha, sottalýshylardyń bireýi dúken ıesin jábirlep qana qoımaı, ony pyshaqpen qorqytqan. Sonymen qatar, onyń janynda joldasy da bolǵan, biraq oqıǵa ornynda saýda núktesiniń ıesinen basqa kýágerler bolmaǵan. Áıtse de, sotqa qatysqan prokýratýra ókili aıyptalýshylardyń bireýin 9 jylǵa, ekinshisin 6 jylǵa bas bostandyǵynan aıyrýǵa ótinish bildirgen. Osydan keıin aıyptalýshylar tamyrlaryn kesip jibergen.
Eki aıyptalýshy da medıtsınalyq-sanıtarlyq bólimge jetkizilgen. Olardyń jaǵdaıy qalypty dep otyr.
