Atyraý qalalyq Memlekettik kiris basqarmasy basshysynyń orynbasary paramen ustaldy
ASTANA. QazAqparat - Jemqorlyqqa qarsy is-qımyldar ulttyq bıýrosynyń Atyraý oblysy boıynsha departamenti birneshe ret para alý oqıǵasyna qatysty Atyraý qalalyq Memlekettik kiris basqarmasy basshysynyń orynbasary A. Rzaǵulovany ustady.
A. Rzaǵulova salyq esebin tapsyrý, eseptik shottardy ashý, sonymen qatar QQS boıynsha esepke kedergisiz turǵyzý úshin birqatar kásipkerden aqsha jáne materıaldyq qundylyqtar túrinde júıeli túrde para alǵan.
Osylaısha, A. Rzaǵulova 130 myń teńge kóleminde kezekti para alyp jatqanda qolǵa tústi.
Qazirgi ýaqytta A. Rzaǵulova kinásyn tolyq moıyndady. Sotqa deıingi tergeý amaldary júrgizilip jatyr.
