Atyraý qalalyq ákimdiginiń qyzmetkeri koronavırýs juqtyrdy
Oblystyq Taýarlar men kórsetiletin qyzmetterdiń sapasy men qaýipsizdigin baqylaý departamentiniń málimetinshe, Atyraý qalalyq sáýlet jáne qala qurylysy bóliminiń qyzmetkeri 7 maýsymda JRVI belgisimen medıtsınalyq kómekke júgingen. Odan zerthanalyq synamalar alynyp, tekserý nátıjesinde COVID-19 indeti anyqtalǵan.
QR bas memlekettik sanıtarlyq dárigeriniń 2020 jylǵy 30 mamyrdaǵy №38 qaýlysyna sáıkes Atyraý qalalyq sáýlet jáne qala qurylysy bólimi kúsheıtilgen sanıtarlyq-dezınfektsııalyq rejımge saı qashyqtan jumysyn jalǵastyrýda.
«Áleýmettik jelilerde Atyraý qalalyq sáýlet jáne qala qurylysy bóliminiń karantınge jabylǵany týraly aqparat jalǵan. Qazirgi ýaqytta naýqas juqpaly aýrýlar aýrýhanasyna jatqyzylyp, bekitilgen hattamaǵa sáıkes em qabyldap jatyr», - dedi oblystyq Taýarlar men kórsetiletin qyzmetterdiń sapasy men qaýipsizdigin baqylaý departamentinen.
Al, naýqaspen jaqyn qarym-qatynasta bolǵan adamdar anyqtalyp, medıtsınalyq baqylaýǵa alynǵan. Aýrý oshaǵynda dezınfektsııalyq jumystar júrgizilgen.
Buǵan deıin Atyraýdaǵy Aqkól aýyly karantınge jabylyp, Mııaly aýylynda karantın, al Muqyrda shekteý sharalary engizilgenin habarlaǵan edik.