«ATYRAU INVEST 2017» forýmynda $3 mlrd dollardyń memorandýmyna qol qoıyldy
ATYRAÝ. QazAqparat - «ATYRAU INVEST 2017» halyqaralyq forýmy barysynda Atyraý oblysynyń ákimdigi men ınvestor arasynda jalpy somasy 3,3 mlrd. dollardy quraıtyn 9 memorandýmǵa qol qoıyldy, dep habarlaıdy «QazAqparat» HAA tilshisi.
Forýmǵa Qazaqstannan, sondaı-aq taıaý jáne alys sheteldegi 20 elden kelgen 500 delegat qatysty. Forýmnyń uıymdastyrýshylary atalmysh forýmnyń óńirdegi ınvestorlardy tartý boıynsha sońǵy 5 jyldaǵy eń jemisti shara bolǵanyn atap ótti. Atyraý oblysynyń ákimi Nurlan Noǵaev atap ótkendeı, mundaı is-sharalar tek ınvestorlardy tartyp qana qoımaı, shaǵyn jáne orta bıznesti damytýǵa óz septigin tıgizedi.
«2016 jylǵy kórsetkishter boıynsha oblystaǵy shaǵyn jáne orta bıznespen aınalysatyn turǵyndar sany 7,9% -ǵa artyp, 128,7 myń adamdy qurady. Osylaısha, óńirde ekonomıkalyq belsendi halyqtyń 41 protsenti osy salaǵa jumyldyrylǵan. Mundaı is-sharalar jergilikti kásipkerlerdiń damýyna múmkindik beredi», - dep málimdedi Noǵaev.
