«Atyraý» gazetiniń 95 jyldyǵyna oraı medıa-mýzeı men ınternet kanal ashyldy
ATYRAÝ. QazAqparat - Oblystyq «Atyraý» gazetiniń shyǵa bastaǵanyna 95 jyl tolýyna oraı mereıtoılyq sharalar uıymdastyryldy. Onyń aıasynda aımaqtyq medıa-mýzeı men ınternet-kanal ashyldy, dep habarlaıdy QazAqparat.
Atyraý jýrnalıstıkasynda tuńǵysh ret ashylǵan medıa-mýzeıge (eki oblystyq, jeti aýdandyq, «Atyraý» telearnasy) 400-ge jýyq jádiger qoıyldy.
Medıa-mýzeı «Shejireler syr shertedi», «Jýrnalıst - oqıǵa ortasynda», «Tarıhy tereń tólarna» atty negizgi 3 bólimnen turady.
«Atyraý» gazetiniń 95 jyldyq mereıtoıyna arnaıy kelgen Qazaqstan jazýshylar odaǵynyń basqarma tóraǵasy Ulyqbek Esdáýlet pen «Atyraý» gazetinde kóptegen jyldar redaktorlyq qyzmet atqarǵan Qılybaı Qýanyshbaıuly medıa-mýzeıdiń saltanatty túrde tusaýyn kesti.
«Búgin biz taǵy da erekshe oqıǵanyń kýási bolyp turmyz. Bul mýzeı - 95 jyldyq tarıhy bar gazettiń ǵana emes, búkil oblystyń shejiresi. Osy óńir úshin terin tókken, kóziniń maıyn taýysqan qajyr-qaıratyn jumsaǵan adamdardyń búkil tynys-tirshiligi - osy mýzeıde. Onyń ar jaǵynda oblystyń ekonomıkasy ǵana emes, ádebıetimiz ben mádenıetimiz de tur. Medıa-mýzeı keleshek urpaqtar úshin úlken qyzmet atqaratyna senim bildiremin», - dedi Qazaqstan jazýshylar odaǵynyń basqarma tóraǵasy Ulyqbek Esdáýlet.
Medıa-mýzeıde alǵys hattar, tanymal tulǵalardyń qoljazbalary, ardager jýrnalısterdiń fotosýretteri men quraldary qoıylǵan. Sondaı-aq, «Atyraý» telearnasynda 1967 -1977 jyldary qyzmet etken jýrnalısterdiń fotosýretteri ilingen qabyrǵa jáne «Atyraý-Aqparat» baspahanasynyń ónimderi de bar.
Sonymen qatar, búgingi shara aıasynda «Atyraý-Aqparat» medıa portaly ashyldy. Internet kanaldyń tusaýyn belgili aqyn, jýrnalıst, qazaq televızııasyna eńbek sińirgen, «ıÝNESKO» syılyǵynyń ıegeri Jumash Kenebaı men «Atyraý» oblystyq televıdenıesin birneshe jyl basqarǵan Aıtqalı Qumarǵalıev kesti.
Bul ınternet-kanalda jýrnalısterge barlyq múmkindik qarastyrylǵan.
Merekelik sharalar aıasynda «Qazirgi qazaq jýrnalıstıkasy: jańa trendter men tehnologııalar» taqyrybynda respýblıkalyq medıa-konferentsııa ótip, «Ultqa - mura, urpaqqa - rýh!» atty tarıhı-tanymdyq ekspedıtsııamen jalǵasýda.
