«Atyraý» fýtzal komandasynyń úsh oıynshysy ulttyq quramada oınaıdy
ATYRAÝ. QazAqparat – «Atyraý» fýtzal komandasynyń úsh oıynshysy ulttyq quramaǵa shaqyrtý aldy, dep habarlaıdy QazAqparat.
Buǵan deıin fýtzaldan Qazaqstan ulttyq quramasynyń bas bapkeri Paýlo Rıkardo Kaka 2022 jylǵy Eýropa chempıonatyna irikteý kezeńine qatysatyn oıynshylar tizimin jarııalaǵan edi.
Bul tizimde atyraýlyq úsh oıynshy bar.
Eki kezeńnen keıin jalpy esepte ekinshi orynda kele jatqan «Atyraý» fýtzal komandasynyń úsh oıynshysy ulttyq quramaǵa shaqyrtý aldy.
Olar – Jomart Toqaev, Bolat Sarbasov pen Jaqsylyq Amandosov.
Fýtzaldan ulttyq qurama 9 jeltoqsanda Jaqsylyq Úshkempirov atyndaǵy jekpe-jek saraıynda Vengrııa quramasyna qarsy oıyn ótkizedi.
Bul oıynda atyraýlyq Bolat Sarbasov alańǵa shyǵady.
