«Atyraý» fýtbolshysy áıgili Ibragımovıchtiń golyn qaıtalady
QOSTANAI. QazAqparat - Fýtboldan Qazaqstan chempıonatynyń 4 týrynda qostanaılyq «Tobyl» Atyraýdyń ózi attas komandasyn qabyldap, jeńiske jetti, dep habarlaıdy QazAqparat.
Oıyndaǵy esepti «Tobyl» shabýylshysy Anton Shınder ashty. Munan soń qonaqtar Marat Haırýllınniń kómegimen tarazy basyn teńestirip ketti. Haırýllın buryshtamadan asyrylǵan dopty ókshesimen teýip, qaqpashydan asyryp tastady.
Kezdesýdiń birinshi bóligi «Atyraý» paıdasyna sheshildi. Gol avtory - Djozef Neın. Ekinshi taımda qostanaılyqtar Anton Shınderdiń kómegimen alǵa shyqty. Al jeńis goly Djaba Kankavaǵa tıesili.
Oıynnan soń «Vkontakte» jelisindegi 2 mln-nan astam tutynýshysy bar «Realnyı fýtbol» pablıgi atyraýlyq oıynshynyń golyn atap ótti. Paraqshadaǵy «Haırýllın Zlatannyń rejımin qosty» dep atalatyn vıdeony 1 saǵattyń ishinde 90 myńǵa jýyq adam kórdi.
Eske salsaq, shved fýtbolshysy Zlatan Ibragımovıch 2004 jyly Italııa qaqpasyna dál osyǵan uqsas gol soqqan bolatyn.
