«Atyraý» fýtbol klýbynyń quramyna reseılik oıynshy qosyldy
ATYRAÝ. QazAqparat – «Atyraý» fýtbol klýbynyń quramyna reseılik oıynshy qosyldy, dep habarlaıdy QazAqparat.
Munaıly óńirdiń fýtbol komandasy Túrkııadaǵy oqý-jattyǵý jıynyn ótkizip jatyr. Komanda fýtbolshylary úsh oıyn ótkizdi.
Máselen, 26 qańtarda «Prıshtına» komandasymen aradaǵy oıyn 2:2 esebimen teń aıaqtaldy. Al, 29 qańtarda Iraktyń quramasymen ótken matchta 0:2 esebi tirkeldi. Sondaı-aq, 2 aqpanda reseılik «Fakel» komandasymen kezdesti. Qos komanda qaqpaǵa bir-bir doptan soqty.
«Bizdiń komandanyń quramyna reseılik fýtbolshy Nıkolaı Tarasov qosyldy. Onyń jasy – 23-te. Ol – «Zenıt» fýtbol klýbynyń túlegi. Ortalyq qorǵaýshy retinde tájirıbe jınaǵan. «Atyraý» fýtbol komandasyna «Veles» (Máskeý) fýtbol klýbynan aýysyp keldi», -dep habarlady komandanyń baspasóz qyzmeti.
Eske sala ketelik, budan buryn «Atyraý» fýtbol klýbynyń jańa bas bapkeri taǵaıyndalǵanyn jazǵan edik.
