«Atyraý» fýtbol klýbyna jańa basshy keldi
ATYRAÝ. QazAqparat – «Atyraý» fýtbol klýbyna jańa basshy keldi, dep habarlaıdy QazAqparat.
«Ótken maýsymda «Atyraý» fýtbol komandasynyń nashar oıyn kórsetkeni jankúıerlerdi beı-jaı qaldyrmady. Fýtbolsúıer qaýymnyń qyzyǵýshylyǵy men olardyń bılik ókilderine úndeýi nazarǵa ilikti. Qazir komanda kezekti oqý-jattyǵý jıynynda. Al klýb ákimshiliginde alǵashqy ózgeris boldy. «Atyraý» fýtbol klýbyna jańa basshy taǵaıyndaldy. Ol - Іzturǵan Baımuhanov», - dep habarlady klýbtyń baspasóz qyzmeti.
Baımuhanov Іzturǵan Uzaqbaıuly 1957 jyly 5 qyrkúıekte Gýrevte týǵan.
V.I.Lenın atyndaǵy Qazaq polıtehnıkalyq ınstıtýtyn bitirdi. Atyraý klýbynyń bolashaq prezıdenti eńbek jolyn 1976 jyly «Gýrevmunaıgazbarlaý» ÓB tehnık mamandyǵynan bastady.
Ár jyldarda Baımuhanov myrza «Qazmunaıgaz-Telf», «Arna oıl», «QazGerMunaı», «Embimunaıgaz» syndy kompanııalarda basshylyq qyzmette boldy. 2018 jyldyń 21 shildesinen jańa taǵaıyndaýǵa deıin «Atyraý oblysynyń kásipodaq ortalyǵynyń» tóraǵasy qyzmetin atqardy.
A.Sokolov
