Atyraý fýtbol klýbyna jańa bas bapker taǵaıyndaldy
«Atyraý» fýtbol klýbynyń baspasóz qyzmetinen málim etkenindeı, V.Jýkovskıı bapkerlik mansabyn 2010 jyly «Isloch» klýbynan bastaǵan.
Osy klýbpen ol 5 jylda áýesqoılar komandasynan Belarýs joǵarǵy lıgasyna deıingi joldan ótti.
V.Jýkovskıı Belarýs joǵarǵy lıgasynyń tarıhynda eń jas bas bapker (31 jasta) atandy.
2020 jyly ol «Bate» komandasyna jetekshilik etip, Belarýs kýbogyn jeńip aldy.
Vıtalıı Jýkovskııge «Atyraý» klýbynda, sondaı-aq dene daıyndyǵy boıynsha jattyqtyrýshy Andreı Mısıýk, bas bapkerdiń kómekshisi Pavel Plıýt, qaqpashylar sheberligin ushtaıtyn ıÝrıı Novıkov járdemdesedi.
«Atyraý» komandasy premer-lıgada 22 upaımen jetinshi orynda keledi. Atyraýlyqtar 17-týrda 26 tamyz kúni Oralda jergilikti «Aqjaıyqpen» kezdesedi.
Eske sala keteıik, budan buryn Qazaqstan chempıonatynda «Aqjaıyqtyń» «Kaspııdi» 2:0 esebimen jeńgenin jazǵan bolatynbyz .