"Atyraý" fýtbol klýby Chernogorııa aıaqdopshylarymen joldastyq kezdesýin 1:3 esebimen aıaqtady
ALMATY. 15 aqpan. QazAqparat /Erlik Erjanuly/ - Túrkııada 6 aqpannan beri sońǵy oqý-jattyǵý jıynyn ótkizip jatqan «Atyraý» fýtbol klýby keshe kezekti joldastyq kezdesýin ótkizdi.
Chernogorııanyń Joǵarǵy lıgasynda óner kórsetetin Shırokı Brıegtiń «Shırokı Brıeg» komandasymen bolǵan bul oıyn 1:3 esebimen aıaqtaldy. Atyraýlyqtar buǵan deıin 12 aqpanda Rýmynııanyń Joǵarǵy dıvızıonyndaǵy «Tyrgý-Mýresh» komandasymen bolǵan kezdesý 0:0 bop aıaqtalǵan bolatyn. Al 11 aqpanda Chernogorııanyń «Býdnıchnost» komandasymen 2:2 esebimen teń túsken edi. Endi 18-19 aqpan kúnderi Serbııanyń Krýshevats qalasynyń («Nepredak») jáne Belgradtyń («Rad») aıaqdopshylarymen kúsh synaspaq. Al 21 aqpanda aqtyq kezdesýin Belorýstyń «Belshınasymen» ótkizip, kelesi kúni elge qaıtýdy josparlap otyr.
