Atyraý ekologtary munaı óńdeý zaýyty mańynda aýadan synama alyp jatyr
Oblystyq Ekologııa departamentiniń baspasóz qyzmetinen málim etkendeı, mamandar Atyraý munaı óńdeý zaýytynyń sanıtarlyq-qorǵanysh aımaǵynyń shekarasynda atmosferalyq aýadan synamalar alýǵa kiristi.
Ekologtardyń jedel áreket etýine Atyraý munaı óńdeý zaýytynda elektr qýaty sónip, qondyrǵylar toqtatylǵany sebep bolyp otyr.
«Búgin, 27 shildede jergilikti ýaqytpen saǵat 17:05-ten bastap «KEGOK» AQ-nyń №209 jáne №210 jelileri apattyq jaǵdaıda sóndirilgen. Osyǵan baılanysty «AMÓZ» JShS-niń elektrmen jabdyqtaý jelisinde kerneý tómendegen. Sonyń saldarynan zaýyttyń tehnologııalyq qondyrǵylaryndaǵy dınamıkalyq jabdyqtyń bir bóligi álsin-álsin toqtap turǵan. Tótenshe jaǵdaıdyń aldyn alý maqsatynda zaýyttyń otyn jelisi alaý júıesine baǵyttaldy. Jedel áreket etý maqsatynda departamenttiń zerthana-taldamalyq baqylaý bóliminiń mamandary Atyraý munaı óńdeý zaýytynyń sanıtarlyq-qorǵanysh aımaǵynyń shekarasynda atmosferalyq aýanyń synamalaryn alyp jatyr», - dep habarlady departamenttiń baspasóz qyzmetinen.
Atyraý munaı óńdeý zaýytynyń qoǵammen baılanys bóliminiń málimetinshe, «KEGOC» AQ elektr qýatyn jospardan tys toqtatyp tastaǵan. Osyǵan baılanysty zaýyt jumysy avarııalyq jaǵdaıda toqtady. Bul óndiristiń jumysyna keri áserin tıgizedi.
Aıta keteıik, Atyraý MÓZ-de apattyq jaǵdaı búgin keshke bolady.
Artynsha, QR Energetıka mınıstrligi jaǵdaıǵa túsinik berip, elektr jelilerindegi apatty joıý jumystary bastalǵanyn málim etti.