Atyraý dárigerleri júkti áıeldi bosandyrý kezinde úsh ota jasady
ATYRAÝ. QazAqparat – Atyraý qalalyq perzenthanasynyń dárigerleri júkti áıeldi bosandyrý kezinde úsh ota jasady, dep habarlaıdy QazAqparat.
Atyraý oblystyq densaýlyq saqtaý basqarmasynyń baspasóz qyzmetinen málim etkendeı, keshe, 4 qarashada qalalyq perzenthanaǵa júkti áıel túsken.
«Júktiliktiń 39-shy aptasyn ótkerip júrgen áıel ishki aǵzasynyń aýyratynyn aıtqan. Dárigerler júkti áıeldi jedel ota bólimine jatqyzdy. Kesar tiligi arqyly salmaǵy 4 keli sábı ómirge keldi. Bosanǵan áıelde irińdegen soqyrishek anyqtaldy. Soqyrishek ota arqyly alyndy. Sondaı-aq, júkti áıelde kindik tusynda jaryqshaq baıqalyp, úshinshi ota jasaldy», - deıdi Atyraý qalalyq perzenthanasynyń dırektory Gúlzeınep Dúsipova.
Onyń aıtýynsha, úsh ota jasalǵan ana men sábıdiń jaǵdaıy turaqtanǵan. Olar ózderin jaqsy sezinedi. Bala emshek sútimen qorektenedi.
Eske sala ketelik, buǵan deıin Atyraýda Izraılden kelgen dárigerler bir kúnde segiz ota jasaǵanyn jazǵan bolatynbyz.
