Atyrau Creative Hub: jastardyń tehnologııalyq jáne áleýmettik jobalary toǵysty

Shyǵarmashylyq pen izdeniske qushtar atyraýlyqtardyń basyn qosatyn Atyrau Creative Hub úsh baǵyt boıynsha jumys isteıdi.

Olar:

— Shyǵarmashylyq
— Áleýmettik jobalar
— Jasandy ıntellekt

Jastar jasandy ıntellekt arqyly vıdeomeıkıng, dızaın, adamdardyń mıyndaǵy neırondardyń qozǵalysyn anyqtaıtyn, tótenshe jaǵdaıdyń aldyn alatyn jobalar jasap, óz ónimderin satyp, damytyp keledi. Endi olardyń basy osy ortalyqta qosylmaq.

— Mysaly, bizdiń kreatorlar vıdeoanalıtıka jobasyn daıyndap, kameralar arqyly adamdardyń qozǵalysyn, sanyn anyqtaıtyn joba jasap shyǵardy. Jalpy JI baǵytyna qyzyǵýshylyq joǵary. Jańa keńistik sol jastardy jınap, sapaly ári naryqqa qaýqarly ónim daıyndaýǵa múmkindik beredi dep oılaımyn, — dedi JI-men aınalysatyn jas Altynbek Ótegenov.

Mundaǵy taǵy bir erekshe baǵyt — 3D modeldeý arqyly túrli zat jasap shyǵarý.

Arnaıy qondyrǵylar arqyly ártúrli salaǵa qajetti buıymdar daıyndalady.

— Biz mundaǵy prınterler arqyly modelin jasaǵan zattardy sapaly túrde jasap shyǵaramyz. Jeke tapsyrys qabyldaımyz. Tehnıkalarǵa qajetti bólshekter bizdiń elde bolmaýy múmkin. Nobaıyn jasap, daıyn buıym shyǵaramyz, — dedi Sultan Karımov.

Búgin kóptiń nazaryna Kaspıı jáne Aral teńiziniń, sondaı-aq Jaıyq ózeniniń qazirgi jaǵdaıyna túrli baǵytta qaraýǵa múmkindik beretin «Kórkem» retrospektıvalyq kórme usynyldy. Bul jumys frontır uǵymy, ekologııa, qorshaǵan ortamen ózara áreket, dalalyq jáne zertteýdiń nátıjesi.

Ortalyqta kovorkıng, oqý aýdıtorııalary, medıa stýdııalar, konferents-zaldar, kitaphana, sondaı-aq demalys aımaqtary qarastyrylǵan. Búginde hab jetekshileri aýdandar men qaladaǵy kreatıvti jastardyń tizimin jasaqtap jatyr. Aldaǵy ýaqytta olarǵa arnalǵan túrli sheberlik saǵattaryn uıymdastyrýdy josparlap otyr.

Buǵan deıin Atyraýda kretıvti ındýstrııany damytýǵa baǵyttalǵan hab resmı túrde jumysyn bastaǵany jóninde jazǵan edik.