Atyraý bazarlarynda əleýmettik mańyzy bar taýarlar tómen baǵamen satylýda
ASTANA. QazAqparat - Atyraý bazarlarynda əleýmettik mańyzy bar taýarlar tómendetilgen baǵamen satylýda, dep habarlaıdy Atyraý oblystyq óńirlik kommýnıkatsııalar qyzmeti.
OKQ taratqan málimetterge qaraǵanda, aımaqta 2017-2018 jylǵy maýsymaralyq kezeńde əleýmettik mańyzy bar azyq-túlik ónimderin turaqtandyrý qoryn jasaqtaý júrip jatyr.
Kóktemde «Atyraý» ƏKK oblystaǵy eki sharýa qojalyǵymen 1000 tonna kartop jetkizý jóninde forvardtyq kelisimshartqa otyrǵan. Jetkizilim merzimi 2017 jyldyń 20 qarashasynda aıaqtalady dep josparlanǵan.
Bıyl saqtalatyn kókónister men tamyr jemisterin jańa eginge almastyrý jumystary júrgizildi.
Kóktemde tasymaldaýshylarǵa bıylǵy eginmen aýystyrýǵa 30 tonna jýa, 120 tonna kapýsta, 102,5 tonna səbiz berilgen. Turaqtandyrý qoryna jetkizilimniń jalpy mólsheri 1 252,5 tonna aýyl sharýashylyǵy taýarlaryn quraıdy.
Búginge deıin 478,2 tonnasy jetkizildi, onyń ishinde 30,0 tonna jýa, 406,662 tonna kartop, 42,541 tonna qyryqqabat bar. Qoımaǵa taýar jetkizý jumysy kún saıyn júrip jatyr.
Joǵaryda kórsetilgen mólsherge qosymsha 220 tonna pııaz satyp alý josparlanǵan. Turaqtandyrý qoryndaǵy pııaz kólemi 250 tonna bolady.
Qazir baǵany tejeý boıynsha jumystar bastaldy. Əleýmettik mańyzdy taǵamdar baǵasynyń kóterilýine jol bermeý úshin «Atyraý» ƏKK qaladaǵy sýpermarketter men bazarlardaǵy taýar ınterventsııasy bastaldy, onyń ishinde: 1-surypty taýyq jumyrtqasynyń danasy -19 teńgeden, kartoptyń bir kılogramy-86 teńge, pııaz -80 teńge.
Kókónister baǵasyna júrgizilgen monıtorıngke səıkes, qazir aımaqta 1 kg kartoptyń ortasha baǵasy-115 teńge, səbiz-120 teńge, pııaz-90 teńge, qyryqqabat-100 teńge.
