«Atyraý barysy» anyqtaldy
ATYRAÝ. QazAqparat - Atyraýda qazaq kúresinen «Qazaqstan Barysyna» Atyraý qalalyq irikteý týrnıri ótti, dep xabarlaıdy QazAqparat tilshisi.
Qazaq kúresiniń básekesine Atyraý qalasynyń 12 balýany qatysty. Salmaǵy 90 keliden joǵary túıe balýandar arasyndaǵy báseke tartysqa toly boldy.
Atyraý qalasynyń Barysy bolyp Amandyq Abylaı tanyldy. Ol aqtyq synda Baqtybaı Dastandy jeńdi. Jeńimpaz bolǵan balýandarǵa qarjylaı syılyqtar tabys etildi.
«Ózderińiz biletindeı qazaq kúresi asa qarqyndy túrde damyp keledi. Jyl saıyn álem birinshilikteri, «Qazaqstan Barysy», «Álem barysy», «Eýrazııa barysy», «Halyq barysy» kóptegen kóptegen aýqymdy jarystar uıymdastyrylyp keledi», - deıdi Atyraý qalalyq dene shynyqtyrý jáne sport bóliminiń basshysy Rınat Ibragımov.
Qaladan úzdik shyqqan qos balýan 5 mamyr kúni ótetin oblystyq týrnırge joldama aldy.
Avtory: Abaı AQMURZIEV
