Atyraý balyqshylary 7 myń tonna balyq aýlaý lımıtin ıgerýge kiristi
Atyraý oblystyq balyq sharýashylyǵy basqarmasynyń basshysy Artýr Sádibekulynyń málim etýinshe, kóktemgi maýsymda Kaspııdiń qazaqstandyq sektoryndaǵy soltústik akvatorııasynan 25 mamyrǵa, al, Jaıyq ózeninen 15 mamyrǵa deıin balyq aýlaýǵa ruqsat berilgen.
«Bul bıylǵy 7 myń tonna balyq lımıtin tolyq ıgerýge múmkindik beredi. Qazir balyq aýlaý maýsymyna Atyraý qalasy men Qurmanǵazy aýdanynda tirkelgen 16 óndiristik kooperatıv pen 2 bekire ósirý zaýyty qatysýda. Munda eńbek etetin 3 myńnan astam adam balyq aýlaýmen jáne óńdeýmen aınalysady. Olar qazirdiń ózinde 1 myń tonnadan astam balyq aýlady» -deıdi Artýr Sádibekuly.
Onyń aıtýynsha, óndiristik kooperatıvter aýlanǵan balyqtyń bir bóligin Atyraý qalasyndaǵy saýda núktelerine jetkizip jatyr. Al, qalǵan bóligi ár túrli ónimder daıyndaý úshin óńdeýge jiberilýde. Atyraý qalasy men Qurmanǵazy aýdanynda osy kezge deıin 570 tonna balyq qoljetimdi baǵamen satylǵan.
Al, Atyraý oblystyq orman sharýashylyǵy jáne janýarlar dúnıesi aýmaqtyq ınspektsııasynyń resmı ókili Oleg Týshkanovtyń balyq aýlaý maýsymynda óndiristik kooperatıvterdiń balyqshylary bekire ósirý zaýyttarynyń memlekettik tapsyrysty oryndaýyna kómegin kórsetýde.
Máselen, 9 sáýirge deıin kooperatıvterdiń balyqshylary atalǵan zaýyttar úshin 27 bekire tuqymdas baǵaly balyq túrin aýlap berdi. Bul balyqtardyń ýyldyryǵy jasandy jolmen alynyp, zaýyttarda shabaq ósiriledi.
