Atyraý: Áıelder kolonııasy bastyǵynyń orynbasary alǵan para kólemi belgili boldy
ATYRAÝ. QazAqparat - Atyraýda jalpy rejimdegi áıelder kolonııasy - ÝG-157/11 mekemesi bastyǵynyń orynbasary ustaldy. Bul týraly qalalyq prokýratýradan málim etti, dep habarlaıdy «QazAqparat» HAA tilshisi.
«Ulttyq qaýipsizdik komıtetiniń Atyraý oblysy boıynsha departamentiniń qyzmetkerleri oblystyq Qylmystyq-atqarý júıesi departamentiniń ÝG-157/ 11 mekemesi bastyǵynyń orynbasary Jańbyrbaı Ázızdi jazasyn ótep jatqan áıeldiń kúıeýinen 1,3 mln teńge kólemindegi aqshany zańsyz aldy degen kúdikpen ustady. Osy fakti boıynsha QR QK 366-babyna («Para alý») sáıkes sotqa deıingi tergeý amaldary bastaldy», - dep málimdedi oblystyq prokýratýranyń baspasóz qyzmetinen.
Qylmystyq protsessýaldy kodekstiń 201-babyna sáıkes, tergeý múddesine oraı basqa málimetter jarııalanbaıdy.
