Atyraý avtobýstaryna qalta urylarynyń sýretteri ilindi
ATYRAÝ. QazAqparat - Qaltaǵa túsetin urylarmen kúresti bastaǵan atyraýlyq polıtseıler osyǵan mamandanǵan qylmyskerlerdiń fotolaryn qala avtobýstaryna ilip qoıdy.
«Qaltadan zat urlaý qala polıtsııasynyń kóp tirkeıtin qylmys túriniń birine aınalǵan. Urlyq jolaýshysy kóp qoǵamdyq kólikterde, aıaldamalar men bazarlarda jıi jasalady. Olardy ashý qazirgi kezde qıyndap ketti. Urylar da qazirgi jaǵdaıǵa beıimdelip alǵan. Olardyń kóbi jaqsy kıingen jigitter men qyzdar, tipti aralarynda jasóspirimder de bar. Bul zardap shegýshilerdiń kúmánin seıiltip, qapy qaldyryp jatady. Atyraýda qalalyq ІІB jergilikti polıtsııa qyzmetiniń polıtseılerinen urlyqtyń aldyn alý jónindegi mobıldik toptar qurdy. Avtobýstarda qalta urylarynyń sýretteri ilindi», - dep habarlaıdy Atyraý oblystyq ІІD-niń baspasóz qyzmeti.
