Atyraý aýyldaryna jumysqa barǵan jas dárigerlerge 5 mln teńgeden beriledi
Atyraý oblystyq densaýlyq saqtaý basqarmasynyń basshysy Qaısar Abdalıevtyń málimetine súıensek, medıtsına mekemelerinde 185 dáriger jetispeıdi.
«Osyǵan baılanysty Atyraý oblysynyń ákimi Serik Shárkenovtiń qoldaýymen óńirge jumys isteýge keletin jas mamandarǵa áleýmettik kómek kórsetiledi. Atap aıtsaq, qalada ornalasqan medıtsına mekemelerine jumysqa ornalasqan mamanǵa 3 mln, aýdanǵa barǵan dárigerlerge 5 mln teńge qarajat, qyzmettik baspana nemese Otbasy banki arqyly nesıelik turǵyn úı beriledi. Osyǵan baılanysty Atyraý oblysyndaǵy aýrýhanalar men emhanalardyń bas dárigerleri Astana medıtsına ýnıversıtetinde ıntern jáne rezıdenttermen kezdesý ótkizdi», -dep habarlady Qaısar Abdalıev.
Onyń onyń kezdesýden 20-astam jas maman Atyraý oblysyndaǵy medıtsına mekemelerine jumysqa kelýge qyzyǵýshylyq tanytqan.
Eske sala ketelik, budan buryn Atyraý oblysynda 300-ge jýyq medıtsına qyzmetkeri jetispeıtinin habarlaǵan edik.
«Jyl basynda ákimdik Atyraý oblysynda 280-nen astam medıtsına mamany, onyń ishinde 183 dáriger jetispeıtini týraly málimet berdi. Ásirese, akýsher-gınekologtarǵa asa qajettilik bar. Sol sebepten, óńirge kadrlardy tartý maqsatynda 2022-2023 oqý jylyna rezıdentýrada mamandar daıarlaýǵa 24 oryn berildi. Onyń ishinde eki akýsher-gınekolog mamany daıarlanady», - dep málim etti Ajar Ǵınııat.
Mınıstrdiń pikirinshe, onkologııalyq dıspanserde de kadr tapshylyǵy bar.
Munda tsıtopatomorfologtar, hımıoterapevter, medıtsınalyq fızıkter, torokaldy onkologtar men onkoýrologtar sekildi arnaıy mamandar jetispeıdi.
