Atyraý aýrýhanalary tamyzda josparly emdeýdi bastaıdy
ATYRAÝ. QazAqparat – Atyraý oblysynyń aýrýhanalary tamyz aıynda josparly emdeý sharalaryn bastaıdy, dep habarlaıdy QazAqparat.
Oblystyq densaýlyq saqtaý basqarmasynyń basshysy Nurlybek Qabdyqaparovtyń aıtýynsha, tamyz aıynyń basynda Atyraý aýrýhanalary josparly emdeý kezegimen naýqastardy qabyldaýdy júrgizgeli otyr.
«Densaýlyq saqtaý mınıstrliginiń tapsyrmasymen óńirdegi qaterli isik, qant dıabeti, qan qysymy, júrek aýrýyna qatysty josparly em qabyldaýy tıis naýqastar aýrýhanalarda jatyp em ala bastaıdy. Buǵan deıin olar emhanalarǵa onlaın túrde jazylyp, dáriger baqylaýynda turǵan edi», - dedi Nurlybek Qabdyqaparov.
Eske sala ketelik, Atyraý oblysynda karantın rejımi 3 tamyzǵa deıin uzartylǵan edi.
