Atyraý áýejaıyndaǵy jaǵdaıdy ІІM ózindik qaýipsizdik qyzmeti tekseredi
NUR-SULTAN. QazAqparat - Atyraý qalasynyń áýejaıynda bolǵan jaǵdaıdy ІІM ózindik qaýipsizdik qyzmetkerleri tekseretin bolady. Bul týraly QR ІІM-niń resmı ókili Nurdildá Oraz málim etti, dep habarlaıdy QazAqparat.
Onyń aıtýynsha, aǵymdaǵy jylǵy 29 naýryzda Atyraý qalasynyń áýejaıynda ınkassatordyń qyzmettik qarýyn tekserý kezinde polıtsııa qyzmetkeriniń qaýipsizdik sharasyn buzý faktisi boıynsha Іshki ister mınıstri Erlan Turǵymbaevtyń tapsyrmasymen ІІM Ózindik qaýipsizdik departamenti oqıǵa bolǵan jerge baryp qyzmettik tekserý júrgizip jatyr.
Qylmystyq is qozǵaldy. Tekserý nátıjesinde kináli laýazymdy tulǵalar ártúrli tártiptik jáne qylmystyq jaýapqa qosymsha tartylatyn bolady.
