Atyraý áýejaıynan ushaqtar eldiń basqa qalalaryna qatynaı bastady
ATYRAÝ. QazAqparat – Atyraýdan ishki áýe qatynasy ashyldy, dep habarlaıdy QazAqparat.
Búgin Atyraýdan áýe qatynasy ashylyp, alǵashqy jolaýshylar Nur-Sultan men Almaty qalasyna ushyp ketti.
«Jolaýshylar sanıtarlyq talapqa sáıkes medıtsınalyq maska taǵýy kerek. Termometrııadan ótedi. PTR test qajet emes. Ushaqta burynǵysha otyrady. Biraq, bortta árli-berli qozǵalysqa ruqsat joq», - dedi Atyraý halyqaralyq áýejaıynyń ókili Ferýddın Arıf.
Onyń aıtýynsha, ázirge avıakompanııanyń reısteri oryndalady. Jolaýshy tasymaldaýshy kompanııalar 1 maýsymnan bastap Aqtaýǵa reıs ashýdy josparlaǵan.
