Atyraý áýejaıy, KIMEP ýnıversıteti Úkimettiń jekeshelendirý tiziminen alynyp tastaldy
Úkimet «Jekeshelendirýdiń 2021-2025 jyldarǵa arnalǵan keıbir máseleleri týraly» Qazaqstan Respýblıkasy Úkimetiniń 2020 jylǵy 29 jeltoqsandaǵy №908 qaýlysyna ózgerister engizgen.
«Qaýlyǵa 3-qosymshada «Jekeshelendirýge jatatyn respýblıkalyq menshiktegi uıymdar tizbesinde «QR Ǵylym jáne joǵary bilim mınıstrligi» bóliminde 3.2-jol («KIMEP ýnıversıteti» kommertsııalyq emes AQ) alyp tastalsyn. 4-qosymshada básekeles ortaǵa berý usynylatyn kommýnaldyq menshiktegi uıymdar tizbesinde «Atyraý oblysynyń ákimdigi» bóliminde 34.3-jol (Hıýaz Dospanova atyndaǵy «Atyraý halyqaralyq áýejaıy» AQ) alyp tastalsyn», - dep jazylǵan qujatta.
Sonymen birge, «Túrkistan oblysynyń ákimdigi» bóliminde 179-1.48-jol – «Turkistan» ındýstrııalyq aımaqtaryn basqarýshy kompanııa» JShS, «Almaty qalasynyń ákimdigi» bóliminde 373-2.15-jol – «Almaty qalasynyń mamandandyrylǵan jerleý qyzmetter kombınaty» JShS tizimnen alynǵan.
Qaýlynyń 5-qosymshasynda aktsıonerlik qoǵamdardyń jáne olarmen úlestes ózge zańdy tulǵalardyń básekeles ortaǵa berýge usynylatyn enshiles, táýeldi uıymdary tizbesinde «Astana» áleýmettik-kásipkerlik korporatsııasy» AQ» bóliminde 122.1-jol – «Astana – arnaıy qyzmet kórsetý bıýrosy» JShS, «Almaty» áleýmettik-kásipkerlik korporatsııasy» AQ» bóliminde 149-1.5-jol – «Almaty qalasy ákimdiginiń kúrdeli qurylys kásiporny» JShS jekeshelendirýden alynǵan.
Osy qaýlymen bekitilgen jekeshelendiriletin kvazımemlekettik sektor sýbektileri tizimine engizý qaǵıdattarynda birinshi abzats mynadaı redaktsııada jazylady:
«Kvazımemlekettik sektor sýbektisine qatysty memlekettik basqarýdyń tıisti salasyna basshylyq etý jónindegi ýákiletti organnyń ony memlekettiń ekonomıkalyq múddelerin eskerip iske asyrýdyń negizdiligine oń baǵasynyń bolýy shartymen mynadaı ólshemsharttardyń birine sáıkes kelýi ony jekeshelendiriletin kvazımemlekettik sektor sýbektileri tizimine engizýge bastama jasaý úshin negiz bolyp tabylady».
Bul qaýly alǵash resmı jarııalanǵan kúninen keıin, ıaǵnı 2023 jylǵy 4 naýryzda qoldanysqa enedi.
