Atyraý-Astrahan jolynyń qurylysy qyrkúıektiń sońynda bastalady
ATYRAÝ. QazAqparat - Atyraý-Astrahan jolynyń qurylysy bastalady, dep habarlaıdy QazAqparat tilshisi.
«Atyraýdan Astrahanǵa deıingi avtojol qurylysynyń máselesi Úkimet otyrysynda kóterildi. Osydan keıin ol shuǵyl túrde Qarjy mınıstrliginiń, Investıtsııalar jáne damý mınıstrliginiń jáne jol qyzmetkerleriniń qatysýymen kezdesý ótkizdi. Munda «QazAvtoJol» arqyly konkýrs ótkizý týraly sheshim qabyldandy. Respýblıkalyq bıýdjetten 60 km joldyń alǵashqy bóligin salý úshin qarajat bólindi. Tamyz aıynyń sońynda tender ótkizilip, nátıjesinde 2 merdiger kompanııa anyqtaldy. Qazir daıyndyq jumystary júrgizilýde. Qurylys osy aıdyń sońynda bastalady», - dep habarlady «QazAqparat» tilshisine Parlament Senatynyń depýtaty Sársenbaı Eńsegenov.
Joldyń alǵashqy bóligi Kotıaevka aýylynan 8-shi razezge deıingi aralyqta salynady.
Eske salaıyq, 30 jyldan astam jóndeý kórmegen Atyraý - Astrahan baǵytynyń jalpy uzyndyǵy - 277 shaqyrymdy quraıdy.
