Atyraý-Astrahan jolynyń boıynda demalys alańdary men jyly ájethana salynady

ATYRAÝ. QazAqparat – Qazir «Atyraý - Astrahan» tasjolynda qaıta jóndeý jumysy júrip jatyr. Jóndelip bitken soń atalǵan avtojol úshinshi sanattan ekinshi sanatqa ótedi. Bul týraly «QazAvtoJol» ulttyq kompanııasy Atyraý oblysy boıynsha fılıalynyń dırektory Bolatbek Aıtbekov málim etti, dep habarlaıdy QazAqparat tilshisi.

«Atyraý - Astrahan» kúre jolynda demalys alańdary salynady dep josparlanyp otyr. Sonymen qatar jol boıyna jyly ájethana ornatý da josparda bar. Olardyń sany men qaı jerde salý máselesin qoǵam talqysyna salamyz. ıAǵnı, demalys alańy men ájethanalardy salýda halyqtyń suranysy men tutyný deńgeıi eskeriledi. Odan bólek tasjol boıynda sý ótetin qubyrlar men malǵa arnalǵan ótpe salý qarastyrylǵan. Bıyl Atyraý oblysynda jol jóndeý jumysyna bıýdjetten 56 mlrd teńge bólindi», - dedi Bolatbek Aıtbekov «QazAvtoJol» ulttyq kompanııasy uıymdastyrǵan BAQ ókilderine arnalǵan týr barysynda.

Onyń aıtýynsha, Atyraý oblysynda respýblıkalyq mańyzy bar joldyń uzyndyǵy 1125 shaqyrymdy quraıdy.

«Búginde Atyraýdaǵy respýblıkalyq mańyzy bar joldardyń 83 paıyzy qanaǵattanarlyq deńgeıde. Qaıta jóndeý jumysynan ótken jol ýchaskeleri memlekettik taldaýdan súrinbeı ótse, shetinen paıdalanýǵa beriledi. Óıtkeni, jóndeý jumysy birneshe ýchaskede júrip jatyr. Jalpy jospar boıynsha «Atyraý - Astrahan» tasjoly 2023 jyly tolyq paıdalanýǵa beriledi», - deıdi ol.

Sondaı-aq, spıkerdiń aıtýynsha, «Atyraý - Astrahan» avtojoly Mahambet, Isataı jáne Qurmanǵazy aýdany aýmaǵyn jalǵaıdy. Odan ári jol Reseıge tartady.