Atyraý-Astrahan jolyndaǵy kólik apatynan 12 adam zardap shekti
ATYRAÝ. QazAqparat - Atyraý-Astrahan tas jolyndaǵy kólik apatynan 2 adam qaza taýyp, 10 adam zardap shekti, dep habarlaıdy QazAqparat tilshisi.
«Oqıǵa Qurmanǵazy aýdany ortalyǵynan 55 shaqyrym jerde bolǵan. «Lada Largýs» jáne «Toıota Ipsým» eki kóligi soqtyǵysty. Osy fakti boıynsha QR Qylmystyq kodeksiniń 345-baby «Kólik quraldaryn basqaratyn adamdardyń jol júrisi nemese kólik quraldaryn paıdalaný qaǵıdalaryn buzýy» boıynsha aldyn ala tergeý bastaldy. Oqıǵa týraly basqa málimetter jarııalanbady», - dep habarlady Atyraý oblysynyń ІІD baspasóz qyzmeti.
Qalalyq jedel járdem stansasy oqıǵa týraly tolyq aqparat berdi.
«Oqıǵa ornyna jedel járdem qyzmeti ýaqtyly jiberildi. Eki adam qaza tapty jáne 10 adam jaraqat aldy. 7 jaraqat alǵan jolaýshy Qurmanǵazy aýdandyq ortalyq aýrýhanasy jetkizildi. Eki naýqas sanavıatsııamen oblystyq aýrýhanaǵa jetkizilse, taǵy bir zardap shegýshi áıel adam ambýlatorııalyq emdeýge jiberildi», - dedi qalalyq jedel járdem qyzmetiniń bas dárigeri G.Tańbaeva.
G.Tańbaevanyń aıtýynsha, bireýi jansaqtaý bóliminde jaǵdaıy turaqty. Taǵy bir zardap shegýshi neırohırýrgııa bólimine ornalastyryldy, onyń da jaǵdaıy turaqty boldy.
