Atyraý-Astrahan jáne Atyraý-Aqtóbe joldary kóktemnen bastap jóndeledi

ATYRAÝ. QazAqparat - Atyraý oblysynda 2018 jyly respýblıkalyq, oblystyq jáne aýdandyq mańyzy bar avtomobıl joldaryn jóndeý jalǵasady, dep habarlaıdy «QazAqparat» HAA tilshisi.

«Aǵymdaǵy jyly oblystyq jáne aýdandyq mańyzy bar 60 shaqyrym jol jóndeledi dep josparlanǵan. Sondaı-aq respýblıkalyq mańyzy bar Atyraý-Astrahan jáne Atyraý -Aqtóbe avtomobıl joldary qaıta jóndeledi. Bul - aldaǵy kóktemge josparlanǵan jumystar. Qala jáne qala mańyndaǵy kentterdiń 207 kóshesiniń jolyn jańalaý boıynsha jobalyq-smetalyq qujattar daıyndalyp jatyr. Onyń jalpy uzyndyǵy 220 shaqyrymdy quraıdy»,- dedi oblystyq jolaýshylar kóligi jáne avtomobıl joldary basqarmasyndaǵy bólim basshysy Áset Orazǵalıev

2017 jyly óńirde oblystyq jáne aýdandyq mańyzy bar 86 shaqyrym jol jóndelgen. Eldi mekender ishine 267  shaqyrym jol tóselgen